Првата хуманитарна помош денес стигна во Венецуела.
Авионот со помош од Меѓународната федерација на црвен крст пристигна во Каракас, откако минатиот месец постигна договор со Владата на претседателот Николас Мадуро да достави помош.
Помошта вклучува лекови и други медицински производи, изјави владино официјално лице за Француската новинска агенција.
Со хуманитарната помош се очекува да им се помогне на 650.000 лица во Венецуела.
Мадуро претходно одби помош од САД и од други држави, тврдејќи дека американската помош е обид за воена инвазија, и оти на народот не му е потребна помош од надвор.
Обединетите нации (ОН) изјавија дека една четвртина од граѓаните во Венецуела итно имаат потреба од храна и медицинска помош.
ОН, исто така, велат дека повеќе од 2.7 милиони Венецуелци ја напуштиле државата од 2015 година.
Facebook Forum