Турција вели дека ќе го ослободи американскиот свештеник, Ендрју Брансон кој е во притвор веќе една година, ако САД го екстрадираат муслиманскиот свештеник Фетула Ѓулен, кого Анкара го обвинува за минатогодишниот неуспешен државен удар.
„Тие велат, дадете ни го свештеникот, а таму имаат проповедник (Ѓулен). Дадете ни го нам, и ние ќе се обидеме да го вратиме (Брансон)“, рече во телевизиско обраќање турскиот претседател, Реџеп Тајип Ердоган.
Брансон кој живее во Турција повеќе од 23 години, во октомври 2016-та, беше уапсен заедно со неговата сопруга Норине, заради наводно прекршување на имиграционите закони.
Таа беше ослободена, а неговите обвиненија беа надополнети, за наводна поддршка на мрежата на Ѓулен, која Турција ја означи како терористичка организација.
Двојката раководеше со христијанска црква во егејскиот град, Измир.
Facebook Forum