Линкови за пристапност

Стејт департмент: Македонските лидери покажаа храброст во решавање на спорот за името


Ова е историска можност да се подобрат стабилноста, безбедноста и просперитетот во целиот регион, се вели во соопштението на Стејт департментот

САД ја поздравија одлуката на Парламентот да ги усвои амандманите за уставните измени, потребни за ратификација на Договорот од Преспа.

„Македонските лидери покажаа визија, храброст и упорност во решавање на спорот за името, што ќе и` дозволи на Македонија да го заземе заслуженото место во НАТО и ЕУ како Република Северна Македонија“, соопшти Стејт департментот, нагласувајќи дека САД на ова гледаат како историска можност да се подобрат стабилноста, безбедноста и просперитетот во целиот регион.

Со 81 глас „за“ пратениците во петокот ги усвоија четирите амандмани предложени од Владата, кои беа предвидени во Договорот со Грција, а со кои името на државата се менува во Република Северна Македонија.

Со двотретинско мнозинство беше усвоен и Уставниот закон, со кој се регулира и државјанството како македонско/граѓанин на Република Северна Македонија.

Facebook Forum

XS
SM
MD
LG