Толпи набљудувачи на небото низ Северна Америка го гледаа затемнувањето на Сонцето денес, прославувајќи го со овации, музика и свадби.
Од мексиканско одморалиште на плажа во близина на местото каде што затемнувањето падна на бреговите на реката Охајо, до Нијагарините водопади на американско-канадската граница, толпата која го гледаше тоталното затемнување реагираше радосно.
Во Раселвил, Арканзас, град со околу 30.000 жители во близина на единствената нуклеарна централа во државата, речиси 400 парови се венчаа покрај сенката на Месечината.
Познато е дека најмалку две свадби и еден предлог за брак се случиле кај околу 2.000 луѓе кои се собрале во државниот парк Нијагарините водопади и покрај облачното небо. Како што небото почна повторно да се осветлува, бенд ја изведе преработката на хит песната на R.E.M. од 1992 година „Man on the Moon“.
Онаму каде што преовладуваше ведро небо, набљудувачите долж директната патека на затемнувањето, го видоа реткиот спектакл на Месечината што се појави како темна топка пред Сонцето.
Ова беше прво целосно затемнување што зафати голем дел од Северна Америка од 2017 година.
