Група американски сенатори, вклучително и лидерот на мнозинството Чак Шумер, планира да ја посети Кина следната недела и се надева дека ќе се сретне со кинескиот претседател Шји Џјинпинг, потврди денес портпаролот на републиканскиот сенатор Мајк Крапо.
Канцеларијата на Шумер минатиот месец соопшти дека тој планира патување во Кина, Јужна Кореја и Јапонија, предводени од Крапо, но не коментираа денес.
Кинеската амбасада во Вашингтон одби да коментира.
Некои сенатори сакаат да го зајакнат ангажманот со Кина и да ги решат деловните прашања меѓу Кина и САД.
Се` поголем број американски бизниси изразуваат фрустрација од работењето во Кина, изјави неодамна секретарката за трговија Џина Раимондо.
„За американскиот бизнис во многу случаи трпението е при крај и време е за акција“, рече таа.
Комуникацијата меѓу американските и кинеските официјални лица се зголеми во последниве месеци, што донесе одредено подобрување во врските затегнати со години поради прашања како што се Тајван, потеклото на ковид-19 и обвинувањата за кинеско шпионирање.
Администрацијата на Бајден го ограничи извозот на чипови во Кина, велејќи дека тие имаат за цел да му оневозможат на Пекинг пристап до напредна технологија, која би можела дополнително да напредува во војската или да ги прекрши правата.
Кина возврати со обвинувања за економска принуда.
