Платформата во вода изградена од САД во близина на брегот на Газа, направена за доставување хуманитарна помош до Палестинците, е привремено отстранета откако се распадна во морето, соопшти Пентагон.
Заменик-портпаролката на Пентагон Сабрина Синг денес рече дека пристаништето ќе биде испратено до јужниот израелски град Ашдод за да го поправи Централната команда на САД.
„Обновата и поправката на пристаништето ќе трае најмалку една недела, а по завршувањето ќе треба повторно да се закотви на брегот на Газа“, им рече Синг на новинарите.
Американскиот претседател Џо Бајден нареди изградба на платформата вредна 320 милиони долари во март.
Пристаништето почна да работи пред две недели, но наиде на неколку проблеми.
Тројца американски војници кои учествуваа во мисијата на пристаништето во Газа се здобија со повреди минатата недела.
„Кога беше во функција, работеше“, рече Синг.
Пред неговото суспендирање, пристаништето ја олесни испораката на повеќе од 820 метрички тони помош во храна од морето на плажата на Газа.
Откако ќе се поправи пристаништето, рече Синг, Пентагон планира повторно да го закотви и „да продолжи хуманитарна помош за луѓето на кои им е најпотребна“.
САД планираат да продолжат со спуштање храна од воздух, но нагласија дека пристаништето само не може да обезбеди доволно помош потребна за населението во Газа.
Повеќе од 36.000 Палестинци се убиени во израелската офанзива, според податоците Министерство за здравство во Газа.
Војната меѓу Израел и Хамас беше предизвикана од терористичкиот напад на Хамас на 7 октомври на југот на Израел при кој беа убиени околу 1.200 луѓе и беа киднапирани околу 250 заложници, според израелските власти.
Некои информации се од Асошиетед прес и Ројтерс
