Центрите за контрола и превенција на болести во САД (ЦДЦ) соопштија дека нивната анализа на примероците од првиот тежок случај на птичји грип во земјата минатата недела покажала мутации кои не се забележани во примероците од заразените птици во дворот на имотот на пациентот.
ЦДЦ соопштија дека ризикот за јавноста од зараза не е променет и останува низок.
Минатата недела, САД го пријавија својот прв тежок случај на вирус, кај жител на Луизијана на возраст над 65 години, кој боледувал од тешки респираторни заболувања.
Пациентот бил заразен со вирусот кој неодамна бил откриен кај дивите птици и живината во САД. Мутациите забележани кај пациентот се ретки, но се пријавени во некои случаи во други земји и најчесто за време на тешки инфекции.
Една од мутациите беше забележана и во друг тежок случај во Канада.
Не е идентификуван пренос од пациентот во Луизијана на други лица, соопшти ЦДЦ.
