НБА: Мајами на чекор до финалето

Ѕвездата на Мајами Леброн Џејмс постигна 16 од 30-те поени во третата четвртина и беше најзаслужен за пресвртот и победата против Индијана со 90:79 во финалето на источната конференција на НБА.

Резултатот во серијата „најдобар во седум натпревари“ сега е 3:2 за Мајами. Ветеранот Удонис Хаслем постигна 16 поени. Кај гостите предничеа Пол Џорџ со 27 поени и 11 скока и центарот Рој Хиберт со 22 поени и шест скока. Следниот меч се игра во Индијанополис, в сабота.

Во големото финале на НБА, кое почнува на 6-ти јуни, Сан Антонио ќе ги одмери силите со победникот од Источната конференција.