Линкови за пристапност

САД преку Белгија бараат шанса за понатаму


Добра вест за Американците е и враќањето на напаѓачот Жози Алтидор во тимот

Денеска ќе се дознае кој ќе ги освои последните две од вкупно осум места што водат понатаму на Светското фудбалско првенство во Бразил.

Во Сао Паоло играат Аргентина и Швајцарија. Лионел Меси го предводи јужноамериканскиот тим - четири негови удари досега на првенството завршија во мрежата. Меѓу Швајцарците, главна ѕвезда е Џердан Шаќири - постигна хек - трик на последниот меч во групното разигрување.

Во Салвадор, САД се среќаваат со Белгија, којашто во прелиминарниот дел на три меча постигна три победи. И кај Американците има добра вест - во селекцијата се враќа Жози Алтидор, којшто се повреди уште на првиот меч против Гана.

Вчера, Франција и Германија обезбедија места во четвртфиналето.

Аутсајдерот Алжир и` даде сериозен отпор на фаворизираната Германија, којашто дури во дополнителните 30 минути го совлада со 2:1. Во регуларниот дел, мечот заврши со 0:0.

И Франција, со головите во последните 10-тина минути на мечот, ја порази Нигерија со 2:0.

XS
SM
MD
LG