Линкови за пристапност

Откриен тунел за криумчарење дрога под границата Мексико-САД


Откриен тунел за криумчарење дрога под границата Мексико-САД
Откриен тунел за криумчарење дрога под границата Мексико-САД

Долг 400 метри, го поврзувал Мексико и Калифорнија

Американските власти открија тунел за криумчарење дрога под границата меѓу Мексико и САД и запленија 14 тони марихуана во рации поврзани со окритието.

Тунелот бил долг околу 400 метри и поврзува складишта во градот Тихуана, Мексико и индустриска зона во Сан Диего, сојузната држава Калифорнија. Тој бил комплетно опремен, со електрична струја и систем за вентилација.

Во ноември минатата година, во рации на два други тунела што ги поврзуваа Калифорнија и Мексико, полицијата заплени 50 тони марихуана. Овие тунели беа опремени со железница, струја и вентилација. Тие се меѓу десетиците колку што вкупно беа откриени последниве неколку години.

Откако мексиканскиот претседател Фелипе Калдерон ја презеде функцијата во 2006-та и започна жестока акција против нарко-картелите, Мексико го потресуваат насилства од овие групи во кои досега загинаа 45.000 лица.

XS
SM
MD
LG