Научниците ги откриле овие гени додека истражувале ретка појава кај неколку семејства во Пакистан и Италија кај кои имало прогресивна ќелавост.
Ангела Кристиано е професор на молекуларна дерматологија при Универзитетот Колумбија. Таа предводи тим на истражувачи од њујоршките универзитети Колумбија и Рокфелер, како и од Стенфорд од Калифорнија, заедно со научници од Пакистан и од Италија.
Кристиано вели дека болеста, позната под име наследен хајпотрикосис, предизвикува опаѓање на косата од черепот.
Таа и нејзините колеги изучувале две семејства во Пакистан и трето во Италија со оваа болест.
„Ген е инволвиран во сигнализирањето на раст на косата, исто како што педалот за забрзување функционира кај автомобилот. Доколку инхибиторот на тој сигнал е прекинат, нема да има раст на косата. “
Ова се знаеше дека е случај кај глувците, а сега за прв пат е потврдено кај луѓе.
Најчестата форма на ќелавост кај мажите, беше поврзувана со гените кои го регулираат хормонот тестостерон. Ова е причината што многу од третманите против ќелавост содржат хармони, за кои научниците велат дека можеби не се целосно безбедни по здравјето или ефикасни.
Постепеното губење на косата кај повеќето мажи како што стареат е различно од она што е проучувано кај пакистански и италијански семејства.
Научниците велат дека откритието може да води до безбедно и ефикасно лекување на губењето на коса во кое нема да биде вклучена употреба на хормони.
Повеќе детали за ова откритие можете да најдете во изданието на журналот Природа ( „Nature“) за оваа недела.