Американскиот претседател Барак Обама изрази задоволство од напредокот на Конгресот во однос на предлог-законот за коренита финансиска реформа.
Членови на Претставничкиот дом и на Сенатот петокот по 20-часовни преговори ги подготвија и последните детали на законот што предвидува темелен ремонт на финансиката регулатива во земјата.
Пред да замине за Канада на средбите на Г-8 и Г-20, Обама изјави дека законот ќе помогне Вол стрит да се држи одговорен и да се спречи нова финансиска криза како онаа од која САД се оопоравуваат во моментов. Тој кажа и дека новиот закон содржи одредби за заштита на потрошувачите и за ограничување на рискантна финансиска пракса што и ја предизвика глобалната рецесија.
Предлог-законот допрва треба да добие „зелено светло“ од обата дома на Конгресот во полн состав, но влијателни законодавци предвидуваат Обама да стави конечен потпис на мерката до 4-ти јули.