Американската морнарица ги истражува извештаите за, како што наведува, „несоодветни“ видео-снимки направени на носачот на авиони Ју-Ес-Ес Ентерепрајс.
Во извештајот објавен во саботното издание на весникот „Вирџинијан-пајлот“ се наведува на снимките, прикажани на 6.000-от екипаж, вклучуваат и сцени на жени кои се преправаат дека заедно се тушираат, како и офицери кои користат навредливи изрази за хомосексуалци.
Морнари за весникот изјавиле дека извршниот офицер на бродот во тоа време, Овен Хонорс, ги продуцирал и учествувал во снимањето на видео-материјалот во 2006-та и 2007-та година. Хонорс во моментов е капетан на бродот Ентерпрајс.
Морнарички портпарол, командантот Крис Симс, изјави дека морнарицата не поддржува или одобрува вакви постапки.