Американскиот Стејт департмент соопшти дека наредната недела дипломатски тим ќе отпатува во Пекинг, а целта на разговорите со кинеското раководство ќе биде почитувањето на човековите права, во време кога во Кина трае пресметката со дисидентите.
На дводневните разговори делегацијата ќе ја предводи заменикот секретар за демократија, човекови права и труд Мајкл Поснер.
Бројни истакнати кински адвокати и активисти ширум земјата исчезнале, се испрашуваат или се приведени поради кривични обвиненија за субверзија.