Линкови за пристапност

Изборите важни за безбедноста на државата


Аналитичарка од Вашингтон, на локалните избори во Македонија, гледа шанса за државата да се сврти кон иднината

Локалните избори во октомври ќе покажат дали државата ќе остане стабилна, или ќе се случи уште поголема криза од претходната, вели Керолин Карлсон, сопственичка на компанијата Data-Clear, која работи на обновување на податоците на гласачите во повеќе држави во светот.

„Македонските избори се особено важни и за стабилноста, безбедноста и демократијата во цела Европа“, вели Карлсон.

Спред неа, ако претходниот премиер сака да се вклучи во изборите, и да ја задржи власта на локално ниво, постои опасност да се случи примерот со Венецуела, каде претседателот има целосна контрола врз гласачите.

„Мислам дека Македoнија научи многу од претходното десетгодишно владеење, и сега е шанса да се погледне кон иднината“, објаснува таа.

Карлсон смета дека Македонија се наоѓа пред одлична можност.

„Сега е време премиерот Заев да ја стабилизира економијата. Ако се земе предвид кризата изминативе години, време е за посветла иднина во НАТО и во Европската унија“, рече Карлсон.

Во Македонија, каде изборите покажаа дека населението е речиси подеднакво поделено, и двете партии се подготвуваат за победа.

Но, не сите во ВМРО-ДПМНЕ веруваат дека ќе победат на овие избори. Еве што вели Петар Богојески, еден од реформаторите на партијата.

„Вака како што сега стојат работите сметаме дека шансите секојдневно ни` се намалуваат, бидејќи се` уште се движиме во правец на оние политики, кои доведоа до излолација на нашата партија на меѓународна и на домашна политичка сцена“, вели Богојески.

Прво што треба да се направи, вели тој, е да се смират тензиите во партијата и да се промени вокабуларот на омраза.

„Конечно да се заборави вокабуларот на предавници и патриоти, да разбереме дека различното мислење не е патритски или предавнички чин, туку е само различно мислење“, изјави Богојески.

Душко Вескоски, кандидат за градоначалник на СДСМ во Општина Карпош, не гледа опасност во ВМРО-ДПМНЕ.

Тој додава дека СДСМ е активно инволвирана на терен, во претставување на програмата, и е убеден во победа.

„Особен акцент се става на животната средина, за заштита на зеленилото во општините, ревизија на сите донесени детални урбанистички планови во последните години, како и решавање на проблемот со загадувањето“, вели Вескоски.

Претседателот на Собранието Талат Џафери викендов најави дека локалните избори ќе се одржат на 15-ти октомври, и повика на почитување на Уставот за време на изборната кампања.

Facebook Forum

XS
SM
MD
LG