Линкови за пристапност

Хантер Бајден ќе се изјасни за невин по обвиненијата за оружје


Обвинителите минатата недела го обвинија по три точки поврзани со фактот дека лажел оти користел нелегални дроги кога купил огнено оружје

Синот на американскиот претседател Џо Бајден, Хантер Бајден, ќе се изјасни за невин по федералните обвиненија за оружје, изјави неговиот адвокат во судската пријава денес.

Хантер Бајден (53) е во центарот на политичкиот вртлог, додека републиканците во Претставничкиот дом спроведуваат истрага за импичмент против неговиот татко, фокусирана на наводните врски меѓу неговите деловни практики и политиките на неговиот татко за време на мандатот на неговиот татко како потпретседател од 2009 до 2017 година.

Тој е прво дете на актуелниот американски претседател кое е кривично обвинето.

Обвинителите минатата недела го обвинија по три точки поврзани со фактот дека лажел оти користел нелегални дроги кога купил огнено оружје.

Хантер Бајден и обвинителите претходно постигнаа договор за даноци и обвиненијата за оружје, но тој пропадна.

Обвиненијата гарантираат дека драмата во судницата ќе игра огромна улога во претседателската кампања во САД во 2024 година, бидејќи претседателот бара реизбор во веројатниот реванш со неговиот републикански претходник Доналд Трамп, кој и самиот се соочува со четири претстојни кривични судења.

Помладиот Бајден со години е во фокусот на немилосрдните напади на Трамп и неговите републикански сојузници кои го обвинуваат за неправилности во врска со Украина и Кина, меѓу другите работи.

Хантер Бајден има работено како лобист, адвокат, инвестициски банкар и уметник и јавно ги опиша својата борба со злоупотреба на супстанции.

Поврзано

XS
SM
MD
LG