Американскиот секретар за одбрана Ештон Картер изјави дека „Америка е, и ќе остане посветена на безбедноста и суверенитетот на Авганистан“.
Картер ова го изјави во Кабул, на заедничка прес конференција со претседателот Ашраф Гани, целејќи на прашањата како избраниот претседател Доналд Трамп ќе се справи со 15-годишната војна.
Трамп досега не зборуваше многу за надворешната политика, и конкретно војната во Авганистан не беше често спменувана во дискусијата за време на претседателската кампања.
Трамп и Гани минатата недела, преку телефон, разговараа за „терористичките закани за двете држави“, според објавената изјава од транзициониот тим.
Картер отпатува во Авганистан да им се заблагодари и на американските војници за нивната служба кон државата.
Тој треба да се сретне со високи официјални лица на Авганистан, а во план е да разговара за напорите на НАТО и на САД во поддршка на авганистанските безбедносни сили.