Линкови за пристапност

Просечен американски тинејџер годишно оди во шопинг 54 пати - 2003-12-31


Тие беа нарекувани Деца на Милениумот, Генерација Уај, Ехо бумери и Генерација 2000. Како и да ги наречете денешните тинејџери, тие се оние кои ќе го земат местото на возрасните како маркетиншка сила во САД. Минати се деновите кога родителите решавале што да носат децата, што да јадат и со што да играат. Најголем дел од она што го купуваат денешните деца носи име на некој друг...

Експертите за маркетинг велат дека просечен американски тинејџер оди на шопинг 54 пати годишно. Трговските центри се популарна дестинација за гледање со пријатели и купување.

Јас сум многу по чевлите. Чевли од секаков вид, со високи потпетици, рамни, чизми. Не е важно. Јас сум по парфемите, но и по чевли и чанти. Што се однесува на чантите, би избрала од марките Coach, Fendi и Gucci. Сакам да се дотерувам, и сакам да го имам најновото. Спортска опрема и це-де-а Чевли и чанти Сакам чанти. Тие се голема работа, но и колани и обетки. Најмногу се купуваат Gucci,Coach и Burberry.

Денешни тинејџери трошат многу пари на дизајнерски производи. Писателката Алиса Кварт минала две години во истражување што таа го нарекува "етикетирање на тинејџери."

"Кога зборувам за етикетирање, зборувам за деца кои се поттикнуваат да бидат лојални на една марка од мали нозе, како определба, каде се врзани за една или за друга марка. Компаниите се обидуваат да создадат релација со децата. Етикетирањето е таа врска", вели таа.

Во нејзината книга Етикетирање : Купување и продавање на тинејџери, госпоѓа Кварт вели дека младите потрошувачи се бомбардирани од реклами, имиња, и марки дизајнирани со цел да се нахрани нивната желба за трошење пари. Американските рекламни компании воведоа нови маркетиншки компании на традиционалните тв-реклами и огласи во весници.

"Децата работат како доброволци за компаниите за да им кажат на своите другари колку е добра некоја маичка или колку е добра некоја музичка снимка. Маркентишката техника од-другар-на-другар е толку успешна зашто децата се природно насочени кон признавање на својата љубов кон некоја марка, иликога носат некоја маичка да зборуваат колку таа е убава, и тие се копираат меѓусебно. Мислам дека она што е различно денес е што компаниите ја употребуваат таа моторна сила која децата природно ја имаат, за своја добивка", смета Кварт.

'Пласман на продуктот' е друга релативно нова маркентишка техника. Оние кои рекламираат плаќаат нивните производи да бидат употребувани од ликови на популарни тв-емисии и да бидат претставени во видео-игри. Пораките за одредени производи ги стигнуваат тинејџерите дури и во нивните училишни кафетерии и училници.

Госпоѓа Кварт вели дека американските тинејџери, како група, себе си се дефинираат по она што носат и што имаат, и одредени марки на производи се тоа што ги прави моќни. Сепак, таа вели дека постојат исклучоци. "Најдов многу деца кои на тоа се спротивставуваа, на убав и тивок начин", истакнува Кварт.

"За мене лично марките не значат многу. Ако можам да дојдам до некоја, добро. Ако не, пак е добро, зашто купувам за себе, а не да инпресионирам некого", велат некои тинејџери. А други пак: „Се облекувам како ми дојде, не се грижам многу. И не сум таков само јас, има и други на кои не им е грижа за марки и што носат".

"Тие купуваат во продавници за облека од втора рака. Тоа се деца кои за Божиќ решаваат да дадат подароци на сиромашни деца наместо да добијат листа на подароци. Тоа се деца кои се свесни за она што се случува околу нив", објаснува г-ѓа Кварт.

Таа вели дека се надева оти нејзината книга ќе послужи како прирачник за родителите да започнат разговор со децата. Таа сугерира дека со тоа ќе се намали влијанието на итрото рекламирање и ќе се зголеми волуменот на позитивно влијание од родителите.

XS
SM
MD
LG