Со американската предлог-резолуција се предвидува привремено продолжување на изземањето за една година.
Администрацијата на Буш, која од договорот со кој се формираше овој суд го повлече потписот на поранешниот претседател Клинтон, стравува дека американските војници може да станат цел на политички мотивирани судски постапки.
Советот за безбедност едногласно ја усвои истата резолуција минатата година откако САД се заканија дека ќе стават вето на мировните мисии на ОН.
Членовите на невладините организации ја напаѓаат администрацијата на Буш заради нејзината политика во врска со Меѓународниот кривичен суд.
Ричард Дикер од организацијата Хјуман Рајтс Воч од Њујорк ги критикува билатералните преговори на Вашингтон за да се постигнат спогодби со кои земјите поединечно ќе забрануваат американски дртжавјани да бидат изведувани пред Меѓународниот кривичен суд. Досега 37 земји потпишаа вакви договори.
Членките на ЕУ се главни поддржувачи на овој суд.
Меѓународниот кривичен суд беше основан во 1998 година за судење на поединци за воени злосторства, вклучувајќи геноцид и злосторства против човештвото. Пет од 15-те членки на Советот за безбедност, Британија, Бугарија, Франција, Германија и Шпанија, го ратификуваа договорот за основање на судот.