Во време кога земјата презема мерки за справување со свинскиот грип, американскиот сенат ја потврди номинацијата на претседателот Барак Обама за секретар за здравство – гувернерката на Канзас Катлин Сибелиус.
Демократскиот сенатор Марк Ворнер од сојузната држава Вирџинија ги повика колегите да ја одобрат номинацијата, истакнувајќи дека тоа е од суштинско значење за реакцијата на САД на свинскиот грип. Но, некои републикански сенатори ја критикуваа Сибелиус за ставовите за реформите во здравствената заштита и абортусот.
Над десетина клучни позиции во американската влада што се однесуваат на системот на здравствена заштита и натаму се празни, во време кога Кабинетот на претседателот Обама навршува сто дена од доаѓањето на власт.Меѓу оние кои чекаат нови раководители се и Управата за храна и лекови, Центарот за контрола и спречување на болести, Националниот институт за здравство и Канцеларијата на главниот американски хирург.