Њујорк Тајмс тврди дека американската армија од 2004-та – наваму извршила десетиан тајни напади врз Ал-Каида и други терористички групи во Сирија, Пакистан и други земји.
Во напис објавен на 10-ти ноември, весникот цитира неиуменувани виши американски официјални лица кои тврдат дека нападите ги овластил со доверлива наредба тогашниот секретар за одбрана Доналд Рамсфелд а ги одобрил претседателот Џорџ Буш.
Тајмс тврди и дека со наредбата американската армија добила ново овластување да ја напаѓа Ал-Каида насекаде во светот, како и да врши операции во земји кои не се војна во САД.
Според весникот, наредбата утврдила 15 до 20 земји каде се верува дека оперираат или се кријат милитанти на Ал-Каида, како Сирија, Пакистан, Јемен, Саудиска Арабија и неколку држави од Персискиот Залив.