Ехуд Олмерт за израелскиот весник Харец изјави дека доколку ваквото решение не биде постигнато, Израел ќе се најде пред предизвик за подеднакви гласачки права за сите, меѓу нив и за Палестинците. Олмерт вели дека кога тоа ќе се случи, „завршено е со државата на Израел“. Израел е загрижен дека Палестинците на крај би можеле да станат побројни од Евреите доколку Израел продолжи да ја контролира целата територија заземена во Блискоисточната војна од 1967-ма година.
Интервјуто е објавено денес, еден ден откако Олмерт се сретна со палестинскиот претседател Махмуд Абаз и американскиот претседател Џорџ Буш во Вашингтон, на почетокот на првите официјални мировни разговори во последните седум години.
Буш најави дека САД ќе бидат активно вклучени во мировниот процес меѓу израелските и палестински лидери, кои во вторникот на Блискоисточната конференција во Анаполис, сојузната држава Мериленд, се обврзаа дека ќе се обидат постигнат дво-државно решение до крајот на 2008-ма.