Администрацијата на претседателот Бајден бара од Конгресот дополнително правно овластување за да и олесни на американската влада да ги заплени имотите на руската влада и олигарсите и да ги префрли приходите во Украина.
Белата куќа го објави пакетот законски измени во четвртокот, бидејќи претседателот Џо Бајден побара од Конгресот 33 милијарди долари дополнителна помош за Украина.
Доколку бидат усвоени, предложените мерки „ќе воспостават нови прописи за одземање на имотот поврзан со руската клептократија, ќе и овозможат на владата на САД да ги поврзе приходите за поддршка на Украина и дополнително да ги зајакне поврзаните алатки за спроведување на законот“, се вели во соопштението на Белата куќа.
Американскиот јавен обвинител Мерик Гарланд го повика Конгресот брзо да ги усвои промените. „Предлозите што претседателот ги објави ќе му дадат на Министерството за правда неопходни ресурси и алатки за да продолжи и да ја интензивира и реализира намерата“, рече Гарланд во четвртокот за време на сослушувањето на Поткомитетот за доделување средства во Претставничкиот дом.
