Во крводарителската акција организирана од американската амбасада до пладне беа собрани околу 70 крвни единици. Покрај крв, граѓаните на пунктот од Црвениот крст донираа и храна.
На акцијата и` се приклучи и американскиот амбасадор во Македонија Пол Волерс.
„Граѓаните на Република Македонија се грижат за нивните соседи, за иднината на својата држава и не е важно од каде доаѓаат луѓето, важен е човечкиот елемент што нe` држи сите заедно како луѓе, во моменти кога треба да си помогнеме“, изјави амбасадорот Волерс.
Акцијата e во знак на сеќавање на 11 семтември 2001 се одржа по шести пат.