Ваквата најава дојде лично од премиерот Марио Драги, при што ги потврди плановите на владата за лансирање на програма за пасоши за вакцинација против Ковид-19 до средината на месецот, за да им овозможи на меѓународните туристи да влезат во земјата без да одат во карантин.
SEE ALSO: Премиерот Заев се вакцинираше со кинеската „Синофарм“
Но, засега не се обелоденети детали, иако министерот за туризам Масимо Гараваглија изјави дека ќе биде „валиден за секој, но и за туристи надвор од ЕУ“.
„Се што ви е потребно е обичен документ што е доказ дека ги почитувате правилата. Тоа ќе биде доказ дека или сте вакцинирани или сте имуни зашто сте прележале коронавирус“, изјави тој за Скај 24.
Но, нејасно е кој ќе го издава сертификатот за вакцинацијата.
Владите во јужна Европа се очајни повторно да ги отворат вратите за туристите. Туризмот носеше приходи од 13% од бруто-домашниот производ на Италија пред почетокот на кризата со пандемијата.