Вршителот на должноста директор на американската агенција задолжена за заштита на високи функционери Роналд Роу обидот за атентат на поранешниот претседател Доналд Трамп го нарече „неуспех на повеќе нивоа“, чија операција на Тајната служба ја опиша како срамна.
Тој сведочеше пред американските законодавци во вторникот, ветувајќи итни промени за надминување на пропустите во комуникациите и покривањето, што му овозможило на 20-годишниот да се качи на покривот на блиската зграда и да испука осум истрели за време на митингот на 13 јули во сојузната држава Пенсилванија, при што загина еден од учесниците на митингот и го рани Трамп и уште двајца други.
„Се срамам од тоа што го видов“, им рече тој на членовите на комитетите за домашна безбедност и правосудство во Сенатот. „Како службеник за спроведување на законот од кариера и 25-годишен ветеран во Тајната служба, не можам да бранам никого бидејќи тој покрив не беше подобро обезбеден“.
Роу, кој ја презеде одговорноста за Тајната служба по минатонеделната оставка на поранешната директорка Кимберли Читл, рече дека истрагата на агенцијата покажува дека одговорноста за обезбедување на делот од покривот што го користело лицето кое пукало била на локалните снајперски тимови.
Републиканскиот претседателски кандидат и поранешен претседател на САД Доналд Трамп изведен од бината во Батлер, Пенсилванија, 13 јули 2024 година.
Тие тимови требало да имаат јасен поглед кон стрелецот, рече тој.
„Ни беше кажано дека зградата ќе биде покриена“, им рече Роу на пратениците. „Не можев, и нема да разберам зошто немаше подобро покривање или барем некој да гледаше во таа насока кон покривот“.
Роу, исто така, им призна на пратениците дека иако локалните органи за спроведување на законот го идентификувале напаѓачот како сомнително лице повеќе од еден час пред собирот, таа информација никогаш не стигнала до агентите на Тајната служба кои го штитат поранешниот претседател.
„Изгледа дека тие информации биле заглавени или замолчени во тој државен и локален канал“, рече тој.
„Тоа е вознемирувачко“, додаде Роу. „Не знаевме дека се случува овој инцидент. Ништо не знаевме за човек на покрив, ниту за човек со пиштол“.
Читл поднесе оставка еден ден откако беше осудувана од конгресната комисија зашто не го спречила обидот за атентат врз Трамп.
SEE ALSO: Директорката на Тајната служба поднесе оставка по обидот за атентат на ТрампВо меѓувреме, истрагата на ФБИ за лицето кое пукало, Томас Метју Крукс, допрва треба да утврди зошто тој се обидел да го убие поранешниот претседател.
Заменик-директорот на ФБИ, Пол Абат, во вторникот им рече на пратениците дека бирото има спроведено повеќе од 460 интервјуа, но досега нема ништо.
„Истрагата не го идентификуваше мотивот, ниту пак некој ко-заговорник или други што би знаеле за тоа“, рече Абате, додавајќи, „апсолутно ништо не е исклучено“.
Но, заменик-директорот на ФБИ рече дека новооткриената корисничка сметка на социјалните мрежи користен во 2019-2020 година може да фрли ново светло на мотивацијата на стрелецот.
„Имаше преку 700 коментари објавени од оваа корисничка сметка“, им рече тој на пратениците. „Некои од овие коментари, ако на крајот му се препишат на напаѓачот, се чини дека одразуваат антисемитски и антиимиграциски теми за да се залага за политичко насилство и се опишани како екстремни по природа“.
„Додека истражниот тим сè уште работи на проверка на оваа корисничка сметка за да утврди дали всушност му припаѓа на лицето кое пукало, веруваме дека е важно да ја споделиме. Особено со оглед на општото отсуство на други информации досега од социјалните медиуми и други извори на информации кои се одразуваат на потенцијалниот мотив и начин на размислување на лицето кое пукало“.
Официјални лица на ФБИ, кои ги информираа новинарите во понеделникот, го опишаа Крукс како интелигентен осаменик и рекоа дека се чини дека „направил значителни напори да ги прикрие своите активности“, кои можеби започнале пред повеќе од една година.
Инспекторите рекоа дека сѐ започнало кога тој почнал да користи шифрирани кориснички сметки за електронска пошта и псевдоними за да врши онлајн купувања поврзани со пиштол, проследено со серија онлајн купувања на хемикалии за да ги направи трите експлозивни направи пронајдени во неговиот автомобил и спална соба.
Тимови почнале да пребаруваат на интернет масовни пукања, електрани, различни избрани функционери и обиди за атентати.
Тие, исто така, забележаа недостаток на комуникација помеѓу лицето кое пукало и другите.
„Идентификувавме само неколку луѓе кои би ги нарекле негови пријатели, а повеќето од тие контакти, всушност, биле одамна“, рече специјалниот агент на ФБИ, Кевин Ројек.
Тој додаде дека дури и кориснички сметки на лицето кое пукало на платформите за видео игри покажале „многу мала интеракција“.