Осомничениот за #убиството на извршниот директор на „UnitedHealth Group“ Брајан Томпсон се откажа од своето право на жалба за екстрадиција на судското сослушување во #Пенсилванија во четвртокот (19 декември). 26-годишниот #Луиџи Манџионе беше уапсен во #Алтуна, Пенсилванија, на 9 декември, пет дена откако #Томпсон беше смртно застрелан пред хотел во Менхетен, #Њујорк, што истражните органи го нарекоа атентат со умисла.
Луиџи #Манџионе беше префрлен во притвор во Њујорк за да се соочи со обвиненијата за убиство. Големата порота во Њујорк го обвини Манџионе по 11 точки, вклучително и убиство од прв #степен, и за убиство како терористички чин. Манџионе е во притвор од денот на неговото апсење. Неговата адвокатка од Њујорк, Карен Фридман Агнифило, одби да ги коментира обвиненијата против Манџионе.