Линкови за пристапност

Зголемен бројот на загинати при израелскиот напад на Западниот Брег


Израелската војска соопшти дека привела 120 осомничени вооружени лица, како и дека запленила оружје и експлозиви во Џенин.

Израелските трупи денеска извршија повеќе претреси по вооружени палестински групи во бегалски камп на Западниот Брег, бидејќи бројот на загинати се искачи на 10 од нивната рација што започна вчера.

Во меѓувреме, израелските власти соопштија дека осум Израелци биле ранети при напад со автомобил, како и со прободување во Тел Авив, што ги зголеми стравувањата за поголемо насилство како одговор на израелскиот воен напад врз кампот во Џенин на окупираниот Западен Брег.

Израелската војска соопшти дека привела 120 осомничени вооружени лица, како и дека запленила оружје и експлозиви во Џенин.

Палестинските здравствени власти објавија уште два смртни случаи во текот на ноќта, со што бројот на жртви се искачи на 10 лица загинати и 100 други ранети.

Но, припадноста на убиените не е јасна, при што Израел рече дека сите биле борци, додека милитантните групи досега тврдеа дека петмина се членови.

Палестинската хуманитарна организација црвена полумесечина соопшти дека евакуирала меѓу 3 000 и 17 000 луѓе кои живеат во кампот откако Израел вчера ја започна рацијата. Некои жители на Џенин бараа засолниште во училиштата и другите јавни згради, додека многумина останаа во своите домови за да го избегнат уличниот конфликт меѓу израелските војници и Палестинците.

Операцијата на израелската војска вклучуваше напади со беспилотни летала, булдожери, додека стотици војници, како што нарекоа официјалните лица, извршуваа антитерористички операции.

Палестинците, соседните Јордан и Египет и Организација за исламска соработка со 57 членови го осудија насилството.

Портпаролот на палестинскиот претседател Набил Абу Рудеинех рече: „Нашиот палестински народ нема да клекне, нема да се предаде, нема да го подигне белото знаме, туку ќе остане цврсто на својата земја пред оваа брутална агресија“.

Во Вашингтон, Стејт департментот на САД вчера соопшти дека внимателно го следи конфликтот и дека е „императив да се преземат сите можни мерки на претпазливост за да се спречи загубата на цивилни животи“. Се вели дека борбите ја нагласиле потребата израелските и палестинските безбедносни сили да работат заедно за да го вратат мирот.

Нападот во Џенин се случи кога израелската десничарска влада, поставена минатиот декември, се соочи со зголемен притисок за нејзиниот остар одговор на низата напади врз Израелците во регионот. Џенин е главната точка на израелско-палестинското насилство од пролетта 2022 година.

Хуманитарниот координатор на Обединетите нации во палестинските области, Лин Хестингс, на Твитер објави дека е „алармантно од обемот на операцијата на израелските сили“. Таа рече дека ОН мобилизираат хуманитарна помош.

Минатата недела, Советот за безбедност на ОН повика на воздржаност и ги повика Израелците и Палестинците „да се воздржат од еднострани дејства кои дополнително ги разгоруваат тензиите“.

Дел од информациите доаѓаат од Асошиетед прес, Ројтерс и агенцијата Франс прес.

XS
SM
MD
LG