Линкови за пристапност

Светско првенство во фудбал: важни натпревари за четири држави


Англија, Уругвај, Грција и Јапонија се трудат да избегнат втор пораз што ќе ги исфрли од конкуренција.

Во четврток се играат важни натпревари за четири тимови на Светското првенство во Бразил, додека Англија, Уругвај, Грција и Јапонија се трудат да избегнат втор пораз што ќе ги исфрли од конкуренција.

Уругвај може да добие поттик од напаѓачот Луис Суарез во натпреварот против Англија. Суарез го пропушти првиот меч на Уругвај кога неговата екипа загуби од Коста Рика заради опоравување од операција на коленото минатиот месец.

Англија го изгуби првиот натпревар со Италија, што ги остави двата тима во соочувањето денеска во групата Д да се борат за најамалку нерешено за да имаат шанса да напредуваат до финалето со 16.

Во групата Ц, Јапонија и Грција имаат ист предизвик, откако Јапонија изгуби од Брегот на слонова коска и Грција изгуби од Колумбија минатата сабота.

Брегот на слонова коска и Колумбија се соочуваат во четврток во борба за водство во групата.

Шампионот што ја бранеше титулата, Шпанија, беше елиминирана во среда откако имаше втор пораз од Чиле 2-0, во групата Б.

Чиле и Холандија ги земаат двете места во групата во таканаречената рунда на елиминација.

Холандија го надмина голот од Австралија во 51-та минута во среда, постигнувајќи два во следните 15 минути за да поведе со 3-2.

Во групата А, Хрватска ги одржа своите надежи со 4-2 во натпреварот со Камерун. По два натпревари Хрватска со своите три поени е зад лидерите во групатаБразил и Мексико, од кои секој има по четири поени.

Во други вести, рускиот претседател Владимир Путин планира да биде во Бразил за завршницата на Светското првенство. Тој ќе учествува на церемонијата на примо-предавање на шампионатот, по играта на 13-ти јули. Русија ќе биде домаќин на следното првенство во 2018-та.
XS
SM
MD
LG