Околу пет проценти од жените изгубиле работа за време на пандемијата

Повеќе од 100 години, Меѓународниот ден на жените се слави во чест на достигнувањата на жените на глобално ниво.

Но, оваа година поради загубата на работни места и зголемени потешкотии како последица на пандемијата, жените се соочија со помал економски напредок од мажите.

Според податоците на Меѓународната организација за труд на САД, жените, во глобални рамки, изгубиле повеќе работни места во споредба со мажите како последица на пандемијата.

Околу пет проценти од жените изгубиле работа во 2020 година, во споредба со 3,9 проценти од мажите.

За време на пандемијата, Обединетите нации ја истакнаа разликата меѓу мажите и жените, и како жените повеќе се погодени од мажите за време на коронакризата.

„Родовата нееднаквост драматично се зголеми изминатава година, бидејќи жените го носат товарот од затворање на училиштата и работењето од дома“, изјави генералниот секретар на ОН Антонио Гутереш.

Според ОН, 58 отсто од жените во светот работат неформално или на работни места без многу регулации и бенефиции.

Жените, исто така, многу поверојатно работат во индустрии најпогодени од пандемијата, како угостителство и детска грижа.