Белата куќа негира дека ќе го екстрадира Ѓулен

Белата куќа ги негира тврдењата на Турција дека претседателот Доналд Трамп размислува за екстрадирање на свештеникот Фетула Ѓулен.

Турскиот министер за надворешни работи Мевлут Чавушоглу, за Си-Ен-Би-Си изјави дека Трамп му кажал на турскиот претседател Реџеп Таип Ердоган оти САД работат на екстрадирање на Ѓулен и на други лица.

Ѓулен живее во егзил во Пенсилванија. Турција го обвини за организирање на неуспешниот обид за државен удар против Ердоган во 2016-та година.

Ѓулен ги негира обвинувањата, а САД изјави дека Турција не покажала доволно докази за да ги потврди тврдењата против свештеникот.