Демократската претседателска кампања е фокусирана на Супер Вторникот, трети март, најважниот ден од примарните избори во целата трка. Од 14-те сојузни држави кои одржуваат примарни избори во Супер Вторник, најголемата награда е најнаселената американска држава, Калифорнија, каде ќе бидат одредени 415 делегати за конвенцијата.
За разлика од претходните изборни циклуси кога Калифорнија ги одржуваше примарните избори во јуни, оваа година жителите на Калифорнија гласаат доволно рано за да имаат значително влијание во одлуката кој демократ ќе му се спротивстави на претседателот Трамп во ноември.
Засега, миленик во Калифорнија по се изгледа е сенаторот од Вермонт, Берни Сандерс, кој е демократски социјалист што се залага за бесплатно високо образование и за универзално владино финансирано здравствено осигурување.