Заев: Ќе гласам ЗА за доброто на нашите деца

„На 30 септември, секој од нас треба да стави тула во изградбата на подобра македонска иднина – да помогнеме да станеме земја членка на најмоќниот безбедносен сојуз – НАТО, и рамноправна земја во најсилната економска заедница во светот – Европската Унија. Вие, граѓаните го имате клучот да ја направите нашата држава членка на европското семејство. Знам, треба да направиме отстапка и да прифатиме географска одредница кон името Македонија, но нашиот идентитет никој повеќе нема и не може да го порекне. Гордата македонска земја се здоби со целосно признавање на нашиот македонски народ, нашиот јазик, нашето наследство. Нашиот македонски јазик е заштитен. Нашиот македонски идентитет е обезбеден засекогаш. Химната, знамето остануваат исти и заштитени. Ние сме Македонци и секогаш ќе бидеме Македонци! Затоа јас ќе гласам. За доброто на нашите деца“, изјави премиерот Заев во обраќањето до гласачите.