Линкови за пристапност

Фудбалска треска во САД и покрај бодот со Португалија


Селекцијата на Јирген Клинсман ја делеа секунди од понатамошниот пласман на Светското првенство во Бразил

Во најинтересниот меч од синоќешните натпревари на Светското првенство, САД и Португалија одиграа 2:2 во рамки на групата Г.

Само секунди од петте минути судиско надополнување ги делеа САД од триумф над фаворитот. Португалија поведе со голот на Нани, но САД се вратија во игра, а потоа и поведоа благодарение на Џермејн Џонс и капитенот Клинт Демпси. Сепак, Варела во 94-тата минута го изедначи резултатот на 2:2.

Португалците со освоениот бод се` уште се во игра за пласман во натамошното натпреварување. Во Групата Г, или таканаречената „Група на смртта“, САД и Германија сега имаат по четири поени, додека Португалија и Гана имаат по еден. Во четврток, САД играат против Германија, а Португалија ќе ги одмери силите со Гана.

Претходно во групата Х, Белгија во здодевен меч ја победи Русија со 1:0 на стадионот Маракана во Рио де Жанеиро, а Алжир ја порази Јужна Кореја со 4:2.

Денеска се играат натпреварите во групите А и Б: Австралија-Шпанија, Камерун- Бразил, Холандија-Чиле и Хрватска-Мексико.
XS
SM
MD
LG