Американскиот претседател Џо Бајден се среќава со претставници од најголемите компании за транспорт и нивните Синдикати при што ќе разговара за начинот на олеснување на синџирите на снабдување.
Бројни индустрии се соочуваат со тешкотии да стасаат до материјали и да ги достават продуктите со полиците на продавниците поради предизвиците со пандемијата со коронавирусот, недостигот од работна сила, и зголемената побарувачка меѓу потрошувачите.
Меѓу учесниците на разговорите во Белата куќа се претставници од Хоум Дипо, Волмарт, Пристаништето на Лос Анџелес, Ју-Пи-Ес.
„Еден од предизвиците со кои се соочуваме е одложувањето на минувањето на стоката и добрата во нашите пристаништа, и нивно доставување до муштериите во земјата. Треба да се надмине, тој застој“, изјави портпаролката на Белата куќа Џен Псаки.
Секретарката за финансии Џенет Јелен за Си-Би-Ес, изјави дека додека не се очекува комбинацијата од намалено производство и зголемена побарувачка да трае во недоглед, предупреди дека таквата состојба нема да се смени во следните - еден до два месеци.
„Се работи за неочекуван шок за глобалната економија, и во моментов има застој во производствениот процес, предупреди таа.
Facebook Forum