Првиот формален самит меѓу американскиот претседател Доналд Трамп и рускиот колега Владимир Путин ќе се одржи на 16-ти јули, во Хелсинки, Финска.
Најавата дојде само еден ден по посета на советникот за национална безбедност Џон Болтон на Москва, по разговорите со Путин и високи руски претставници.
Болтон рече дека во Москва ја отворил темата за руското мешање во изборите во САД, и се очекува за тоа прашање да се дискутира на средбата меѓу двајцата лидери.
Вашингтон и Москва изразија желба да најдат заедничка основа за прашањата како трката во сферата на вооружувањето и борбата против тероризмот.
Според најавите, самитот меѓу двајцата светски лидери требаше да се случи по учеството на претседателот Трамп на Самитот на НАТО на 11-ти и 12-ти јули, и посетата на Британија на 13-ти јули.
Виена и Хелсинки беа можни локации за средбата.
Претходно, Путин му рекол на Болтон дека неговата посета на Москва ќе ги зголеми шансите да се обноват односите САД-Русија, потенцирајќи дека сега релацијата меѓу двете држави не е во најдобра состојба.
Facebook Forum