Линкови за пристапност

По средбата на Помпео со Путин – Сигнал дека има желба за подобрување на односите


U.S. Secretary of State Mike Pompeo, left, and Russian Foreign Minister Sergey Lavrov pose for a photo prior to their talks in the Black Sea resort city of Sochi, southern Russia, May 14, 2019. o
U.S. Secretary of State Mike Pompeo, left, and Russian Foreign Minister Sergey Lavrov pose for a photo prior to their talks in the Black Sea resort city of Sochi, southern Russia, May 14, 2019. o

И САД и Русија имаат заеднички интерес за бројни глобални прашања. Но, честопати се на спротивните страни, иако споделуваат иста цел.

Американскиот државен секретар Мајк Помпео изјави дека на речиси двочасовната средба со рускиот претседател Владимир Путин и со шефот на дипломатијата Сергеј Лавров станало збор за речиси „секој предизвик со кој се соочуваат двете држави“. Разговорот бил продуктивен иако немало голен напредок за темите за кои разидувања.

И САД и Русија имаат заеднички интерес за бројни глобални прашања. Но, честопати се на спротивните страни, иако споделуваат иста цел.

Таква ситуација е конфликтот во Сирија, каде Русија ги поддржуваше силите на претседателот Башар ал Асад, додека САД застанаа зад бунтовниците коишто сакаа да го симнат Асад од власт.

Помпео изјави дека верува оти САД и руски официјални лица „сега може да почнат да работат заедно“ согласно резолуцијата на Советот за безбедност на ОН, која повика на политичка транзиција во Сирија со прекин на огнот, нов Устав и избори.

„Не сум сигурен дека сите имаме таков капацитет, знаеме дека треба да се обидеме заедно“, рече Помпео по разговорите во Сочи.

Тој исто така изрази надеж САД и Русија може да работат заедно кон заедничка цел за целосна денуклеаризација на Северна Кореја.

Други теми на состанокот беа Иран, Украина и Венецуела.

На заедничката прес-конференција со Лавров, Помпео рече дека САД имаат желба ги обноват односите со Русија, очекува од руските колеги да реагираат со целосна сериозност.

„Претседателот Трамп јасно стави до знаење дека очекува подобрување на односите меѓу двете држави. Од тоа корист ќе имаат двете нации“, изјави првиот американски дипломат.

Шефот на руската држава Путин ја истакна истрагата од специјалниот советник Роберт Мулер и додаде дека нема никаква поврзаност меѓу неговата влада и актуелната администрација во САД.

Тој рече дека двете страни имаат различни мислења за политичката криза во Венецуела и ја повика Русија да стави крај на поддршката за претседателот Николас Мадуро. САД и други 50 држави го признаа опозициониот лидер Хуан Гуаидо за преоден лидер на Венецуела.

Посетата на Помпео доаѓа на неколку недели пред самитот на Групата 20 во Осака, Јапонија, каде Путин и претседателот Трамп се очекуваат да присуствуваат. Трамп најави дека планира да се сретне со Путин на маргините на Самитот.

Facebook Forum

XS
SM
MD
LG