Претседателот Доналд Трамп вчера објави мировен план за Блискиот Исток додека израелскиот премиер Бенџамин Нетанјаху стоеше до него. „Мојата визија е добра за двете страни, реалистично решение за постоење на две држави што го надминуваат ризикот од палестинската државност за израелската безбедност“, рече Трамп во Белата куќа. Забележливо беше отсуството на Палестинци, кои го отфрлиле планот уште пред да го видат предлогот на 80 страници, и кои не беа вклучени во разговорите за планот.
„Ерусалим не е за продажба. Сите наши права не се за преговарање. И вашиот план, заговор, нема да помине“, рече палестинскиот претседател Махмуд Абас на телевизијата во обраќање наменето за Трамп, од Рамала на Западниот брег.
Трамп вели дека такво отфрлање е иницијална и реакција и на присутните им кажа дека испратил писмо до Абас во кое рекол дека „ако избере пат кон мир, Америка и многу други држави, ќе бидат таму да помогнат на многу различни начини“.
Прифаќањето на планот би водело кон 50 милијарди долари инвестиции од странство, милион новокреирани работни места за Палестинците во текот на една деценија и удвојување или трикратно зголемување на бруто домашниот производ на Палестинците, вети Трамп.
Facebook Forum