Претседателот Трамп изјави дека има помалку од 50 проценти шанси конгресните преговарачи да постигнат договор за финансирање на јужната граница, за што ќе биде прифатлив за него.
Трамп за Вол Стрит Журнал рече дека има „добри луѓе“ во меѓупартискиот преговарачки тим. Но, тој изрази сомневање дека ќе прифати помалку од 5,7 милијарди долари колку што бара за финансирање на ѕидот.
Претседателот исто така изрази скептицизам дека ќе прифати државјанство за таканаречените „Сонувачи“, како дел од договорот. Тој додаде дека иднината на имигрантите донесени во САД илегално како деца е „одделно прашање кои ќе се разгледува во друго време“.
Тој додаде дека уште едно делумно владино затварање е на маса, ако не ги добие парите од Конгресот да го гради ѕидот со Мексико. Не ја исклучи можноста да прогласи состојба на национална безбедност што ќе му овозможи да го гради ѕидот без конгресно одобрување – тактика која демократите најверојатно ќе ја оспорат пред судовите.
Трамп се согласи да ја отвори владата во следни три недели без финансирање на ѕидот. Во меѓувреме, панел од 9 демократи и 9 републиканци ќе се обидат да најдат заеднички јазик, што е прифатлив и за Конгресот и за претседателот околу пограничната безбедност, но и ќе биде усвоен буџет за финансирање на владата најмалку до крајот на фискалната година.
Едномесечното делумно затворање на владата се одрази врз околу 800.000 федерални работници кои што или мораа да останат принудно дома или работеа без да бидат платени.
Facebook Forum