Американскиот претседател Доналд Трамп најави дека републиканците ќе ја префрлат националната конвенција од Северна Каролина затоа што гувернерот на оваа сојузна држава одбива да ги укине ограничувањата за големи настани чија цел е спречување на ширење на коронавирусот.
Околу 19.000 луѓе, вклучувајќи делегати и партиски официјални лица се очекуваа да се соберат во Центарот Спектрум во Шарлот, каде се играат натпреварите во НБА на домашните Хорнетс. Тука треба да биде прифатена номинацијата на претседателот Трамп за партиски кандидат на изборите во ноември. Претседателот и републикански официјални лица бараа од демократскиот гувернер Рој Купер да дозволи нормална конвенција, со арена преполна со делегати и гости, кои можат да се движат наоколу без заштитни маски.
Но, гувернерот Купер ги отфрли барањата, истакнувајќи дека е можно одржување на конвенција со намален број на делегати, социјално дистанцирање и задолжителни заштитни маски.
Трамп преку Твитер жестоко возврати дека тоа ќе ги принуди републиканците да бараат други сојузна држава која ќе биде домаќин на Републиканската конвенција.
Новинските агенции јавија дека во игра се Нешвил, Тенеси, Џексонвил и Орландо во Флорида, и неколку градови во Џорџија.
Facebook Forum