Претседателот на Европскиот совет Доналд Туск жестоко возврати на наводите на американскиот претседател Доналд Трамп дека членките на НАТО не одвојуваат доволно средства за одбраната.
Преку Твитер порака, Туск му напиша на Трамп „САД немале, ниту ќе имаат подобар сојузник од ЕУ. Ние трошиме многу повеќе од Русија и Кина на одбраната. Се надевам дека немате сомневања дека ова е инвестиција во безбедноста, што не сум многу убеден во истите намери за руското и кинеско трошење“.
[[ https://twitter.com/eucopresident/status/1016627917915348993 ]]
[[ FULL STATEMENT: http://www.consilium.europa.eu/en/press/press-releases/2018/07/10/remarks-by-president-donald-tusk-on-eu-nato-cooperation/ ]]
Туск го потсети Трамп на долгогодишните врски меѓу САД и НАТО, и го повика претседателот „да ги почитува сојузниците, зашто, нема многу“.
Пред да замине за Самитот на НАТО во Брисел, претседателот Трамп ги отфрли забелешките на Туск дека САД имаат недостиг од сојузници.
„Имаме многу сојузници, но нема да дозволиме да не користат. ЕУ не` искористува“, напиша Трамп.
Тој ги критикуваше членките на НАТО.
Преку Твитер, се огласи: „САД трошат многу повеќе од било која земја за да ги заштитат. Тоа не е фер кон даночните обврзници во САД. Згора на се`, имаме трговски дефицит од 151 милијарда долари со ЕУ. Тарифите мора да се променат“.
https://twitter.com/realDonaldTrump/status/1016616792926703616 ))
(( https://twitter.com/realDonaldTrump/status/1016633811378073602 ))
Откако ја презема Белата куќа во 2017-ма, Трамп ја повтори заложбата на САД за одбрана на сојузниците во НАТО, но продолжи да го критикува финансирањето на Алијансата.
НАТО објави дека САД финансирале околу 70 отсто од трошоците во 2017-ма.
29-те членки на НАТО учествуваат во финансирање на организацијата, согласно големината на нивните економии.
Членките се обврзаа во 2006-та, да трошат 2 проценти од бруто-домашниот производ (ГДП) на одбраната до 2024-та, но НАТО проценува дека сите нема да ја исполнат зацртаната цел.
Facebook Forum