Американски сенатор вели дека нема потреба да се повикаат сведоци за импичментот против претседателот Трамп, затоа што демократите веќе го презентирале својот случај против претседателот и престапот не води кон отповикување од функцијата, туку „не е соодветен“.
Сенаторот Ламар Александер во соопштение објави дека „нема потреба од нови докази и да се докажува нешто што не е престап за импичмент, согласно Уставот“. Александер додаде дека Уставот не му овозможува на Сенатот да отстрани претседател од функцијата и да му забрани да биде на гласачкото ливче за изборите, само ако неговите потези се непримерни.
Четворица сенатори треба да им се приклучат на 47 демократи и независните во Сенатот на гласањето дали ќе им се овозможи на сведоци да сведочат.
Но, во случај дали да се овозможи нови сведоци да сведочат и гласањето заврши со 50-50, тогаш, главниот судија во Врховниот суд, Џон Робертс, кој претседава со процесот, може да го одлучи исходот.
Процесот за импичмент може да заврши уште денеска, и се очекува претседателот Трамп да биде ослободен од обвинувањата за злоупотреба на моќта и опструкција на Конгресот.
Facebook Forum