Некои од колумбиските државјани коишто ги приведе националната полиција на Хаити поврзани со атентатот врз претседателот Жовенел Моисе во неговата приватна резиденција учествувале во „американска обука и програми за едукација’, потврди портпаролот на Пентагон за Гласот на Америка.
„Во моментов се спроведува разгледување на случајот, и нема дополнителни детали“, изјави поручникот Кен Хофман.
Одделот за одбрана објави дека обучува илјадници армиски лица од Јужна Америка, Централна Америка и Карибите, секоја година.
Хофман појасни дека обуката е фокусирана на „почитување на човековите права, владеење на правото и почитување на армиската хиерархија кон демократски избраното цивилно лидерство“.
Полицијата на Хаити уапси 18 Колумбијци поврзани со атентатот врз претседателот.
Facebook Forum