Линкови за пристапност

Смеењето е „заразно“ и лекува


Смеењето е едно од најпосакуваните задоволства. Бесплатно, може да се прави насекаде и помага да се чувствуваме добро.

Но, има уште една работа што треба да се знае за смеењето. Тоа е заразно. Исто како грипот, може лесно да се пренесе меѓу луѓето. Многу често кога слушнеме некој да се смее во просторија полна со луѓе или во воз, почнуваме и ние да се смееме, без да знаеме зошто.

Сепак, за разлика од грипот, дури и доброто миење раце нема да ве заштити од поривот да се насмеете. Вашите очи и отчукувањата на срцето се местат во положба за да бидете обземени од чувството што го создава смеењето.

Во основа, многумина лекари нагласуваат дека менталното здравје може да влијае врз физичкото здравје. Слободно може да се каже дека, смеењето е најдобрата медицина.

Сепак, тоа не значи дека не треба да земате лекови кога сте болни. Позитивниот пристап и расположението можат да бидат само од голема помош кога имате проблеми.

Луѓето што го практикуваат тоа, веројатно се исклучително среќни. Но, има и такви што се намуртени или несреќни. Во таков случај, тие што се расположени за смеење треба да им излезат во пресрет и заедно да се смеат со нив.

Од друга страна, пак, смеењето со некого може да добие и друга насока. Тоа е исмевање со некого, што веќе има негативна конотација.

Но, тој, што е исмеван е можно да биде и тој што последен се смее. А што значи тоа, некој последен да се смее?

Тоа е кога некој поминал низ тежок период, бил исмеван, критикуван, но на крајот излегол како победник.

Таков е примерот со наставникот, којшто ја изгуби куќата и спиеше во својот автомобил во близина на училиштето. Учениците го снимија во неговите целосни розови пижами со зајачки уши на главата и видеото стана популарно на интернет.

Но, нивната намера да го исмеваат се претвори во атракција на „Јутјуб“, па наставникот бргу доби понуда од компании да рекламира пижами. Напиша и книга со совети за лесно заспивање, секаде и во секое време. Тоа значи, тој излезе победник и последен се смееше.

Блиски со терминот „последна насмевка“ се и исклучително тешки ситуации. Најдобро е на таквите моменти да се погледне со смеење. Односно, насмејте им се на проблемите.

Во фразите поврзани со смеење стои и советот: Насмејте му се на светот и светот ќе се смее заедно со вас; Почнете да плачете и ќе си продолжите да плачете сами. Тоа значи дека луѓето преферираат околу себе да имаат насмеани личности што шират позитивна енергија.

XS
SM
MD
LG