Линкови за пристапност

Специјалниот пратеник Вокер побара ослободување на украинските морнари до Божиќ


„Русија да ги почитува билатералните договори со Украина за заедничките води“, нагласи специјалниот пратеник на САД.

Американскиот специјален пратеник за Украина Курт Вокер изјави дека Русија треба да ги ослободи украинските морнари до Божиќ или пред Новата година.

Вокер за Гласот на Америка објасни дека САД и западните сојузници разгледуваат бројни опции за спречување на руското ширење со унилатерална контрола врз заедничките води во Азовското море.

„Не ја прифаќаме и нема да ја прифатиме анексијата на Крим од страна на Русија“, изјави Вокер, потсетувајќи на ставот на САД откако Москва во 2014-та изврши инвазија во Кримскиот полуостров и го припои тој дел со Русија. Потенцирајќи дека водите во Азовското море се дел од билатералниот договор меѓу Украина и Русија.

Вокер рече дека САД и европските сојузници може да преземат чекор да им забранат на руските бродови да доаѓаат од европски пристаништа до Крим. Ваквиот потег неодамна беше предложен од генералниот-секретар на владејачката партија на ЦДУ и најверојатен наследник на канцеларката Ангела Меркел, Анегрет Крамп-Каренбаје.

„Тоа е силна мерка и мошне креативна“, рече Вокер за Гласот на Америка, при што нагласи дека се уште се разгледува.

Вокер потсети дека таквата мерка ќе изврши притисок врз Русија со цел Москва да е спремна да преговара за решение.

Претходно, американскиот државен секретар Мајк Помпео ја критикуваше Русија за бројни престапи како конфликтот со Украина, мешањето во изборите во САД и во други држави, како и обидот за атентат на поранешниот шпион Сергеј Скрипл во Салисбури, Британија.

Facebook Forum

XS
SM
MD
LG