Споменикот на поборникот за граѓански права Мартин Лутер Кинг Џуниор во понеделник се отвора за јавноста, воочи официјалната церемонија на 28-ми овој месец.
Споменикот на Мартин Лутер Кинг се наоѓа на Националното шеталиште во Вашингтон меѓу оние на поранешените претседатели Томас Џеферсон и Абрахам Линколн. Ова е прв споменик на централна локација, подигнат во чест на човек кој не бил претседател или, пак, да е посветен на војна.
Градбата е висока девет метри, направен е од гранит со изгравирани познати цитати на славниот лидер за граѓански права. Официјалното отварање в недела ќе се одржи на 48-та годишнина од Маршот во Вашингтон и познатиот говор на Кинг „Имам сон.“ На церемонијата предвидено е и обраќање на претседателот Барак Обама.
Споменикот е лоциран на адресата „1964 Авенија Индепенденс“, што практично е годината кога претседателот Линдон Џонсон го потпиша Актот за граѓански права, со што стана закон.