Американскиот Оддел за финансии воведе санкции врз пет капетани на ирански бродови поради транспорт на нафта во Венецуела.
„Поддршката на иранскиот режим врз авторитарниот и корупциски режим во Венецуела е неприфатлива. Американската влада ќе продолжи тоа да го спречува“, објави секретарот за финансии Стив Мнучин.
Санкциите се дел од актуелната кампања на САД да го принуди венецуелскиот претседател Николас Мадуро да се повлече од функцијата.
САД, и околу претежно 50 западни држави го признаа опозициониот лидер Хуан Гуаидо за легитимен претседател на оваа земја, која е членка на ОПЕК.
Facebook Forum