Во малиот град Пангсатони, во Пенсилванија, денеска се случи голем настан – мрмотот Фил претскажа уште шест недели зима.
Мрмотот беше извлечен од неговиот дом во стеблото, денеска околу зори. Според традицијата ако Фил си ја види сенката, ако е сончево, ќе има уште шест недели зима во Северна Америка. Ако не, пролетта ќе дојде набрзо.
Денот на мрмотот се одбележува традиционално секој 2-ри февруари во градови и села низ САД и Канада.
Фил од Пангсатони е најпознатиот мрмот-временски прогнозер кој ова го „работи“ од 1887.
Од тогаш Фил претскажал повеќе зима, 102 пати, и само 17 пати – пролет.