Првиот човек на германскиот Институт за контрола на болести оцени дека има пад на бројката на ново заразени со КОВИД-19, но оти „втор“, а најверојатно и „трет“ бран заболени, се на пат.
Лотар Вилер, претседател на Институтот „Роберт Кох“, на виртуелната прес-конференција со новинарите во Берлин рече дека изминатите денови се регистрирани само меѓу 700 до 1600 случаи на ден, и тоа покажува дека стапката на заразени е во надолна линија. Тоа го окарактеризира како „добри вести“.
Природата на вирусот ќе остане во фаза на пандемија, се додека 60% до 70% од популацијата не се зарази“Вилер, прв човек на германскиот институт за заразни болести
Но, тој предупреди дека природата на вирусот ќе остане во фаза на пандемија, се додека 60% до 70% од популацијата не се зарази.
Затоа, Вилер укажа дека има голема можност дека ќе има втор бран и со тоа се согласува научната јавност.
“Многумина, сметаат дека ќе има и „трет бран“, предупреди тој.
Германија е во процес на олеснување некои економски и социјални рестриктивни мерки, коишто беа воведени во март за контрола на ширењето на коронавирусот.
Facebook Forum