Линкови за пристапност

Пазарите во подем по веста за кратење на грчкиот долг


Пазарите во подем по веста за кратење на грчкиот долг
Пазарите во подем по веста за кратење на грчкиот долг

За да ги надоместат загубите од грчките обврзници, главните европски банки ќе мора да обезбедат дополнителни 148 милијарди долари до јуни наредната година.

Финансиските пазари ширум светот се во подем по веста дека Европската унија одобри план за намалување на грчкиот долг на половина и за значително зголемување на средствата за финансиски спас на земјата – мерки што треба да ја запрат должничката криза во еврозоната.

Главните индекси на пазарите на акции во Германија и Франција нараснаа за околу 5%. Еврото забележа умерен подем. Берзите во Азија пораснаа меѓу 2 и 3%

По 10-часовни макотрпни преговори во Брисел, првите лица на Унијата соопштија дека ги убедиле банките и инвеститорите да прифатат загуба од 50% во грчките владини обврзници, што значи дека грчкиот долг ќе се намали за 140 милијарди долари.

И покрај тоа, Грција останува во голема задолженост, проценета на 120% од нејзиниот бруто-домашен производ во 2020-та, за разлика од досегашната од 160%.

За да ги надоместат загубите од грчките обврзници, главните европски банки ќе мора да обезбедат дополнителни 148 милијарди долари до јуни наредната година.

Водачите на ЕУ постигнаа согласност и за зголемување на исцрпениот фонд за спас на евро-зоната на 1,4 трилиони долари.

XS
SM
MD
LG